Աննկատ, վայրկյանի պես  թռչում է ժամանակը` փաթաթելով իր հետ տարիների ժապավենը, որն այսօր ցույց է տալիս լուսավոր ու ժպտուն տարեթիվ… 2014 թիվ, 1-ը սեպտեմբերի ….

Սեպտեմբերի մեկ՝ հեքիաթ, անկրկնելի հրաշք: Մանկությունից եկող ու չխամրող պատկեր: Զանգ, ծաղկեփնջերը ձեռքներին շփոթված առաջին դասարանցիներ, հուզված ծնողներ, կավիճ, գրատախտակ, մի քիչ էլ՝ չարության աղմուկ։ Գիտելիք ու դարձյալ գիտելիք։

Սեպտեմբերի 1-ին աշխարհի երկրների մեծ մասում նշվում է որպես Գիտելիքի օր: Գիտելիքը ժամանակակից մարդ կոչվելու չափանիշն է: Գիտելիքն է զենքը խավարի դեմ պայքարելու:  Գիտելիքով պիտի հաղթենք:

Այս տարի Հայսատանի 1400 դպորցներում դռները բացվում են շուրջ 360 հազար աշակերտների համար: Իսկ այս տարի առաջին դասարան է գնալու շուրջ 40 հազար աշակերտ:

Շնորհավորում եմ բոլոր մանուկներին, ովքեր այս տարի առաջին անգամ ոտք են դնելու դպրոցի շեմն ու սկսելու են քայլել ուսումնառության լուսավոր շավիղներով:

Թող Աստված օրհնի ձեր միտքն ու կամքը, որպեսզի ձեր ձեռք բերած գիտելիքները դառնան հզոր զենք ազգային և համամարդկային արժեքների հաստատման պայքարում:

 Այսօր դուք բացում եք ձեր կյանքում մի նոր, կարևոր էջ, կրթվելու ու դաստիարակվելու էջը:  Թող այն պսակվի հաջողություններով ու փառքով… Թող այն զարդարվի վերելքներով ու հաղթանակներով… Թող այն լինի ձեր պայծառ ապագայի ամուր հիմքը… Թող այսօրը կյանք առնի ու դառնա հաջողությունների երկար կծիկի սկզբնակետ, ու պետք է զինվել նպատակասլացությամբ, ոգևորվել ամեն անգամ պատկերացնելով այն լուսավոր ապագան, որն անպայման ներկա կդառնա, եթե միայն սովորեք լավ, տեր կանգնեք ձեր գիտելիքներին և իհարկե այդ ամենի հետ մեկտեղ լինեք անսահման լավատես…

Շ Ն Ո Ր Հ Ա Վ Ո Ր    Ս Ե Պ Տ Ե Մ Բ Ե Ր Ի    1