«ՄԻԱՅՆԱԿ ՉԹՈՂՆԵՆՔ ԾԵՐԵՐԻՆ»
 Տարեցների օրն իր պաշտոնական ձևակերպումն ստացել է 1990 թ. դեկտեմբերի 14-ին, երբ ՄԱԿ-ի գլխավոր ասամբլեայի կողմից հոկտեմբերի մեկն ընդունվել է որպես տարեցների միջազգային օր: Այսօր մեծահասակներին շնորհավորելուց բացի պետք է եւս մեկ անգամ հասարակության ուշադրությունը սեւեռել ծերերի հիմնախնդրին, որի լուծման համար պահանջվում է յուրաքանչյուր քաղաքացու անմիջական մասնակցությունը: Ուրախ տրամադրություն մաղթելով սկսենք մեր տոնական միջոցառումը… Այսօր տարեցներն ունեն եւ նյութական, եւ սոցիալական ու հոգեբանական բազմաթիվ կարիքներ, որոնք պայմանավորված են նրանց տարիքային առանձնահատկություններով: Այս առումով կրկնակի և բազմակի մեծանում է նրանց խոցելիության աստիճանը: Մենք այսօր շատ անելիքներ ունենք հանդեպ տարեցների: Նրանց նկատմամբ հոգածությունն ամբողջ հասարակության ու հատկապես երիտասարդության խնդիրն է նաեւ: Հայ հասարկությանն ու հայ մշակույթին ոչ բնութագրական է, ոչ էլ առանձնահատուկ այն հանգամանքը, որ այսօր տարեցներից շատերն ապրում են ծանր պայմաններում, առավել հաճախ` միայնակ: Միայնակ ապրող տարեցների միջավայրը, որտեղ ապրում են նրանցից շատերը անհապաղ վերափոխման կարիք ունի: Այն, ինչ պահանջում են մեծահասակները, ընդամենը ուշադրություն է, որի կարիքը նրանք ունեն ոչ միայն տոնական օրերին, այլեւ ամբողջ տարվա ընթացքում: Դա են վկայում նրանց գոհունակ ժպիտները, անգամ փոքրիկ միջոցառումից առաջացած խանդավառությունն ու թեկուզ իրենց հետ արված մեկ լուսանկարը` իրենց այնքան կարեւորելու զգացումը:
Մեկ անգամ ևս ջերմորեն շնորհավորում եմ տարցներինն միջազգային օրվա առթիվ:
Սիրելի տարեցներ, մեկ անգամ ևս ընդունեք երախտիքի եւ հարգանքի խոսքերը ձեր իմաստնության, հոգեկան կորովի, համբերության ու հասարակական բարձր գիտակցության համար: Մաղթում եմ Ձեզ առողջություն, երկար կյանք, լավատեսություն եւ արժանապատիվ ծերություն:
|
